Stoltenberq Ukraynanın NATO ittifaqına  üzv olma ehtimalına münasibət bildirdi

"Ukrayna NATO-ya üzv ola bilər", bunu NATO-nun baş katibi Yens Stoltenberq deyib.

  NATO-nun baş katibi Yens Stoltenberq Ukraynanın "1 + 1" telekanalına müsahibəsində Ukraynanın NATO-ya üzvolma ehtimalına münasibət bildirərək deyib:

  “Monteneqro iki il əvvəl alyansa üzv oldu. Şimali Makedoniya bir neçə aya NATO-nun üzvü olacaq. Heç kim Berlin divarı yıxıldıqdan sonra Polşa və Baltikyanı ölkələrin NATO-ya üzv olacağını təsəvvür edə bilməzdi. Artıq Ukraynanın da NATO-ya üzvolma ehtimalı güclüdür. Bütün müttəfiqlər Ukraynanın üzvlüyünə müsbət yanaşır. Ona görə bu işin reallaşması üçün Ukraynaya lazımi dəstəyi verəcəyik”.

  Qeyd edək ki, Y.Stoltenberq bundan əvvəl də Ukraynaya səfəri zamanı NATO-nun qapılarının Ukraynaya açıq olduğunu bildirmişdi.