Stefan Dujarik Suriya ilә bağlı açıqlama verib

Birlәşmiş Millәtlәr Tәşkilatı Suriyada tәtbiq olunan  üç günlük atәşkәsdәn sonra deeskalasiya zonası sәrhәdlәri daxilindәki Hәmanın şimalı, İdlibin cәnubu vә Hәlәbin qәrbindә qarşıdurmaların yenidәn başladığını  açıqlayıb.

Birlәşmiş Millәtlәr Tәşkilatının baş katibinin sözçüsü Stefan Dujarik  keçirdiyi gündәlik mәtbuat konfransında atәşkәsdәn sonra İdlibdәki vәziyyәti qiymәtlәndirib.

Stefan Dujarik deyib: ‘‘Üç günlük atәşkәsdәn sonra deeskalasiya zonası sәrhәdlәri daxilindәki Hәmanın şimalı, İdlibin cәnubu vә Hәlәbin qәrbindә qarşıdurmalar yenidәn başlayıb. İdlib vә әtrafındakı bölgәlәrdәki dinc sakinlәrә tәşkil edilәn  hücumlara görә narahatıq’’.  

Qarşıdurmalar sәbәbindәn son 4 ayda  500-ә yaxın dinc sakinin hәlak olduğunu vә azı 400 min nәfәrin evlәrini tәrk etmәk mәcburiyyәtindә olduğunu deyәn Stefan Dujarik bütün tәrәflәrә dinc sakinlәrin qorunması ilә әlaqәdar çağırış edib.

Suriyada rejim qüvvәlәri İdlib deeskalasiya zonası sәrhәdlәri daxilindәki yaşayış mәntәqәlәrinә hücum etmәyә davam edir.