İsrail əsgərləri 2 fələstinlini yaraladılar

İsrail əsgərləri tərəfindən İordan çayının işğal altındakı qərb sahilində yerləşən Cenin şəhərinə təşkil edilən basqında 2 fələstinli yaralandı.
 
Şahidlərin verdiyi məlumata görə, səhər saatlarında Ceninin Anze səmtinə basqın edən İsrail əsgərləri müqavimət göstərən fələstinlilərə gözyaşardıcı qaz, həqiqi və plastik güllələrlə müdaxilə ediblər. Əsgərlərə daş ataraq cavab verən sakinlər köhnə avtomobil şinlərini yandırıblar.
 
 Səhiyyə mənbələrindən alınan məlumata görə, yaralanan iki fələstinlidən biri həqiqi, digəri isə plastik güllə ilə vurulub.
 
Yaralıların sağlamlıq vəziyyətlərinə dair məlumat yoxdur.
 
 Qeyd etmək lazımdır ki, İsrail əsgərləri axtarılan şəxslərə qarşı əməliyyat bəhanəsilə tez-tez Fələstin ərazilərinə basqın edirlər.