Əfqanıstanda qızıl mədənində uçqun baş verib
Əfqanıstanın şimal-şərqində yerləşən Badahşan vilayətinin Kohistan rayonunda bir qızıl mədənində baş verən uçqun nəticəsində azı 30 fəhlə həyatını itirib, 15-i yaralanıb.
1120700
Badahşan vilayəti mətbuat katibi Nik Məhəmməd Nəzəri Kohistanın Şapu bölgəsindəki qızıl mədənində işçilərin çalışdığı zaman uçqun meydana gəldiyini bildirib. 30 fəhlənin həyatını itirdiyini ifadə edən Nəzəri 15 fəhlənin xəsarət aldığını deyib. Nəzəri yaralılardan bəzilərinin vəziyyətinin ağır olduğunu, ölənlərin sayının artmasından narahatlıq duyulduğunu qeyd edib. Onun sözlərinə görə həmin yataqda minlərlə fəhlə qanunsuz şəkildə qazıntı aparır.
Qeyd edək ki, mədən yataqları baxımından zəngin olan bölgədə terror təşkilatı taliban da qazıntılar aparır.
Әlaqәli Xәbәrlәr
Yunanıstanda ardıcıl iki zəlzələ baş verib
Yunanıstanda 5,6 və 5,7 bal gücündə ardıcıl iki zəlzələ baş verib.