Suriya İnsan Haqları Şəbəkəsi: Əsəd rejimi DEAŞ ilə əməkdaşlıq edir

Suriya İnsan Haqları Şəbəkəsi (SNHR) Suriyanın cənubunda Əsəd rejiminin nəzarətindəki Süveyda şəhər mərkəzində 25 iyulda DEAŞ terroristlərir tərəfindən təşkil olunan və ən azı 150 insanın həlak olduğu hücumla bağlı hesabat yaydı.
 
 Hesabatda canlı bomba hücumunda yaxınlarını itirən bəzi şəxslərin ifadələrinə müraciət edilir, rejim qüvvələrinin bu hücumlarda DEAŞ-a şərait yaratdığına dair məlumatlara yer verilir.
 
Hesabatda may ayında rejim və DEAŞ arasında əldə olunan razılaşmaya əsasən1200  DEAŞ terrorçusunun paytaxt Dəməşqdəki Yermük şəhərciyindən Süveydanın şərqindəki səhra bölgəsinə keçdiyi xatırladılır, rejim qüvvələrinin iyun ayında  DEAŞ üzvlərinin keçdiyi bölgədəki hərbi nöqtələrini boşaltdığı, beləliklə, keçidə şərait yaratdığı bildirildi.
 
 Hesabatda: "Rejim qüvvələri hücumlardan 3 gün əvvəl Süveyda rayonunda silahlı milislərə verdiyi silahları geri aldı. Ancaq bəzi kəndlərdəki milislər, silahlarını təslim etməyi rədd etdi. Daha sonra aydın oldu ki, DEAŞ sadəcə silahlarını təslim edən kəndlərə basqın edib" ifadələrinə yer verilir.
 
 Hesabatda, eyni zamanda, daha əvvəl də Əsəd rejimi ilə DEAŞ-ın Xama və İdlibdə əməkdaşlığına işarə edilərək: "Süveyda şəhərində baş verən çirkin hüquq pozuntuları DEAŞ təşkilatı ilə Suriya rejimi arasında koordinasiya və əməkdaşlığı bir daha ortaya qoydu. Baş verənlərə görə hər ikisi cavabdehdir" deyilir.
 
Şəbəkənin hesabatında DEAŞ-ın Süveyda şəhər mərkəzindəki hücumları ilə eyni zamanda şəhərin şərq və şimal-şərqində rejim qüvvələrinə silahlarını təslim edən 8 kəndə basqın təşkil edərək, aralarında qadın və uşaqların olduğu 29 nəfəri qaçırdığı bildirildi.
 
 Rejiminin informasiya agentliyi SANA 25 iyulda rejim nəzarətindəki Süveyda şəhərinin mərkəzində, biri bazar yeri, digəri də bir küçədə olmaqla, iki ayrı nöqtədə canlı bomba hücumu təşkil olunduğunu bildirmişdi.
 
 Hücumlarda 150-ə yaxın insan həlak olmuşdu.