"İran ABŞ-a təslim olarsa..." Ə.Xamaneyi

  İranın dini lideri Əli Xamneyi Amerika Birləşmiş Ştatlarının iqtisadi təzyiqlərlə ölkədə xalqla hakimiyyəti qarşı-qarşıya qoymaq istədiyini bildirib.

  İran dini rəhbərliyin mətbuat ofisindən verilən məlumata görə, paytaxt Tehranda hərbi tələbələrin buraxılış mərasimində iştirak edən Ə.Xameneyi mərasimdə çıxışında deyib: “ABŞ İrana qarşı apardığı siyasi düşmənliyi artırdıqca, xalqın da bu ölkəyə nifrəti günü-gündən çoxalır… Donald Tramp bilməlidir ki, əvvəlki ABŞ prezidentləri kimi onun da apardığı İrana təzyiqlər siyasəti uğursuzdur. Amerika iqtisadi təzyiqlərlə hakimiyyət və xalqı qarşı-qarşıya qoymaq istəyir… Amma İran ABŞ-a təslim olmayacaq. Çünki təslim olmağın bədəli müqavimət göstərməkdən daha ağırdır.”