İdlibdə ardıcıl 4 partlayış nəticəsində həlak olanların sayı 32 nəfərə çatıb

Suriyanın İdlib şəhərində ardıcıl 4 partlayış nəticəsində həlak olanların sayı 32 nəfərə çatıb.

Məlumata görə, hadisə nəticəsində 100-dən çox insan xəsarət alıb. 

Bu barədə ağ dəbilqəlilər təşkilatının rəsmisi Mustafa Hac Yusif məlumat verib. O, partlayışlar nəticəsində 15 binanın da dağıldığını bildirib.

Qeyd edək ki, partlayış  nəticəsində xəsarət alanlar ətrafdakı  xəstəxanalara yerləşdirilib.

Səlahiyyətlilər partlayışın bomba yüklü avtomobillərlə həyata keçirildiyini bildirir.