Türkiyə ilə Rusiya arasında imzalanan sənəd

Türkiyə ilə Rusiya arasında Suriyadakı əməliyyatlar zamanı “uçuşların təhlükəsizliyinin təmin edilməsi və arzu edilməyən halların qarşısının alınmasına dair” Rusiyanın paytaxtı Moskvada sənəd imzalanıb.

Baş Qərargah Rəisliyinin açıqlamasında Rusiya Federasiyası və Türkiyə Silahlı Qüvvələri arasında heyətləri arasında toplantılar keçirildiyi bildirilib.

Açıqlamada vurğulanıb ki, həmin toplantıların nəticəsində iki ölkə arasında sənəd imzalanıb. Sənəddə terrorçuları hədəf götürən əməliyyatlarda Rusiya Hava Qüvvələri ilə Türkiyə Hava Qüvvələrinə məxsus təyyarələrin uçuşlarının təhlükəsizliyi üçün koordinasiya və əməkdaşlığa dair mexanizmlər dəqiqləşdirilib.