Suriyada Әsǝd rejimi gücünü itirir

Suriyadakı Әsǝd rejiminǝ müxalifǝt edǝn qruplardan “Әl-Nusra Cǝbhǝsi” İdlib şǝhǝrindǝki Әbu Zuhur hǝrbi bazasını qum fırtınasından istifadǝ edǝrǝk ǝlǝ keçirib.
Müxalifǝt mǝnbǝlǝrinin mǝlumatına ǝsasǝn, bazanı müdafiǝ edǝn Әsǝdǝ sadiq 56 hǝrbçi öldürülüb, 40-dan artıq ǝsgǝr isǝ ǝsir götürülüb. Onlarla ǝsgǝr haqqında hǝlǝ dǝ xǝbǝr yoxdur.
Terror tǝşkilatı DEAŞ da Suriyanın şǝrqindǝki Deir Әz-Zurda kiçik bir bazanı ǝlǝ keçirib, Deiz Әz-Zur hava limanına daha da yaxınlaşıb.
Digǝr tǝrǝfdǝn Rusiya Xarici İşlǝr naziri Sergey Lavrov daha ǝvvǝl qǝbul edilǝn müqavilǝlǝr çǝrçivǝsindǝ Suriyaya humanitar yardım vǝ hǝrbi tǝchizat göndǝrmǝkdǝ davam etdiklǝrini, yeni bir durumun gündǝmdǝ olmadığını qeyd edib.
İngiltǝrǝ mǝtbuatı isǝ Cameron hökumǝtinin Suriyada DEAŞ-ın yüksǝk sǝviyyǝli şǝxslǝrinǝ pilotsuz hava aparatları ilǝ hücum tǝşkil etmǝsini nǝzǝrǝ alan yeni strategiya planlaşdırdığını elan edib.
“Guardian” qǝzetinin xǝbǝrinǝ ǝsasǝn, strateji plan Suriya Dövlǝti rǝhbǝri Bǝşǝr Әsǝdin dǝ 6 aylıq bir müvǝqqǝti dövrdǝ hakimiyyǝtdǝ qalmasının qǝbul edilmǝsini nǝzǝrǝ alıb.
Baş nazir Cameron strategiya planı parlamentdǝ qǝbul edilmǝyǝnǝ qǝdǝr addım atmayacağını bildirib.