Әsrin layihǝsinda son addımlar atılır
“Әsrin Layihǝsi”nin dǝnizdǝ olan hissǝsinin başa çatmasına az qalıb.
Türkiyǝnin Mersin şǝhǝrindǝn Şimali Kıbrıs Türk Cümhuriyyǝtinǝ dǝnizin altından su daşınmasını mǝqsǝd götürǝn “Әsrin Layihǝsi”nin dǝnizin içindǝ olan hissǝsinin başa çatmasına az qalıb.
Layihǝ çǝrçivǝsindǝ dǝnizin altından çǝkilǝn 66,5 kilometrlik boru kǝmǝrinin son hissǝsi cümǝ günü Meşǝ vǝ Su İşlǝri naziri Veysǝl Әroğlunun da qatılacağı mǝrasim zamanı yerlǝşdirilǝcǝk. Bununla da layihǝnin ǝn önǝmli hissǝsi başa çatacaq.
Tǝqribǝn 1 milyard lirǝyǝ başa gǝlǝn layihǝdǝ indiyǝdǝk iki tǝrǝfdǝki bǝndlǝrin tikinti işlǝri başa çatıb.
Quruda çǝkilǝn cǝmi 28 kilometrlik boru kǝmǝrlǝrilǝ 67 kilometrlik Geçitköy Lefkoşa boru kǝmǝrlǝri dǝ çǝkilib başa çatıb.
Şimali Kıbrıs Türk Cümhuriyyǝtindǝ içmǝli suayırma zavodunun tikintisi ilǝ Girnǝ, Gazimağusa vǝ Dipkarpaz bölgǝlǝrinǝ içmǝli suyu daşıyacaq boru kǝmǝrlǝrinin çǝkilmǝ işlǝri isǝ davam edir.
İlin axırında başa çatacağı gözlǝnilǝn layihǝ ilǝ daşınacaq suyun 38 milyon kubmetrǝ yaxını içmǝli su, 37 milyon kubmetrinin isǝ suvarma mǝqsǝdli olaraq istifadǝsi planlaşdırılır.
