Putin Macarıstan səfərində "Türk Axını"ndan danışıb

  Rusiya dövlət başçısı Putin və Macarıstan baş naziri Viktor Orban iki ölkə arasında bu il müddəti bitəcək təbii qaz müqaviləsi barədə razılığa gəliblər.

  Yeni anlaşmanın tamamlama işləri bitdikdən sonra imzalanacaq. Qeyd edək ki, Macarıstan təbii qazın 85 faizini Rusiyadan alır.

  Putin bir günlük Macarıstan səfərində “Cənub Axını” və “Türk Axını” layihələri barədə də danışıb, “Cənub Axın” layihəsindən imtina etmədik, amma bəzi problemlər yaratdılar, ona görə Rusiya bu layihədən vaz keçmək məcburiyyətində qaldı. Amma “Cənub Axın” layihəsilə əlaqədar Rus və Macar ortaqlığında qurulan “South Stream Hungary” firması “Türk Axını” layihəsinin Macarıstan hissəsində iştirak edə bilər” deyib.

  Rusiya lideri onu da söyləyib ki, “Qazın Türkiyədən Avropaya nəql edilməsi üçün hər cür dəstəyi verməyə, problemlərin həll edilməsi yolunda Bolqarıstan üzərindən belə qaz göndərməyə hazırıq”.