"TANAP layihǝsi, Türkiyǝ üçün böyük ǝhǝmiyyǝtǝ malikdir"

Xarici İşlǝr naziri Mövlud Çavuşoğlu, Trans Anadolu Tǝbii Qaz dǝhlizi layihǝsinin (TANAP), Türkiyǝ üçün önǝmli olduğunu söylǝyib.
Çavuşoğlu bunu, Türkmǝnistanın paytaxtı Aşqabatda keçirilǝn Türkiyǝ-Azǝrbaycan-Türkmǝnistan xarici işlǝr nazirlǝrinin üçtǝrǝfli toplantısından sonra tǝşkil etdiyi mǝtbuat konfransında deyib.
Üç ölkǝ arasında güclü tarixi, mǝdǝniyyǝt, siyasi vǝ iqtisadiyyat ǝlaqǝlǝri olduğuna toxunan nazir deyib ki, tǝrǝflǝrin hǝdǝfi münasibǝtlǝri daha çox inkişaf etdirmǝkdir.
Çavuşoğlu görüşlǝrdǝ, Xǝzǝr bölgǝsindǝ çıxarılan hǝm Türkmǝn hǝm dǝ Azǝrbaycan qazının, Türkiyǝ üzǝrindǝn Avropa ölkǝlǝrinǝ qǝdǝr tǝhlükǝsiz şǝkildǝ nǝcǝ nǝql edilǝ bilǝcǝyi mǝsǝlǝsini müzakirǝ etdiklǝrini bildirǝrǝk deyib ki, bu çǝrçivǝdǝ TANAP layihǝsi bizim üçün böyük ǝhǝmiyyǝtǝ malikdir. Üç ildǝ bu layihǝni başa çatdırmağı planlaşdırırıq. Türkmǝn tǝbii qazının da Türkiyǝ üzǝrindǝn keçǝn bu layihǝlǝrǝ daxil edilmǝsini, hǝm Türkiyǝ hǝm dǝ Azǝrbaycan istǝyir.
Üçtǝrǝfli toplantıların birincisinin may ayında Bakıda baş tutduğunu xatırladan Çavuşoğlu, sonrakı toplantının Türkiyǝdǝ keçirilmǝsinin planlaşdırıldığını deyib.