Növbəti üçtərəfli görüş Gürcüstanda keçiriləcək

Azərbaycan, Gürcüstan və Türkiyə xarici işlər nazirlərinin növbəti üçtərəfli görüşü Gürcüstanda keçiriləcək.
Bu barədə Gürcüstan XİN-in “Twitter” səhifəsində məlumat yerləşdirilib.
Məlumatda bildirilir ki, Gürcüstan 2015-ci ildə Türkiyə və Azərbaycanla üçtərəfli görüşə ev sahibliyi edəcək. Qərar nazirlərin bu gün Qarsda keçirilən görüşündə verilib.
Qeyd edək ki, bu gün Qarsda Türkiyənin xarici işlər naziri Mövlud Çavuşoğlu, Azərbaycanın xarici işlər naziri Elmar Məmmədyarov və Gürcüstanın xarici işlər naziri Tamar Beruçaşvilinin dördüncü üçtərəfli görüşü keçirilib.