İŞİD-ə qarşı əməliyyatlar davam edir

Amerika Birləşmiş Ştatlarının rəhbərliyi altında koalisiya qüvvələri İŞİD-ə qarşı əməliyyatları davam etdirir.
23 İŞİD hədəfinə hava hücumu təşkil edilib. Suriyada İŞİD ilə kürd qruplar arasında şiddətli qarşıdurmaların yaşandığı Kobani şəhəri yaxınlığındakı hücumlarda vacib məntəqələr məhv edilib.
Deyruz Zorun yaxınlığındakı hava hücumunda isə neft təmizləyici obyekt hədəfə alınıb. Suriyadakı hücumlara Səudiyyə Ərəbistanı da dəstək verib. İraq ordusunun Salahaddin və Diyalada təşkil etdiyi əməliyyatlarda isə 46 İŞİD tərəfdarı öldürülüb.