İlham Əliyev “Hərbi vəziyyət elan edilməsi haqqında” Fərman imzalayıb

Prezident İlham Əliyev Hərbi vəziyyətin elan edilməsi haqqında Fərman imzalayıb.

Sentyabrın 27-də Milli Məclisin payız sessiyasının xüsusi plenar iclası keçirilib.

İclasda Azərbaycan Respublikası Konstitusiyasının 109-cu maddəsinin 29-cu bəndinə və 111-ci maddəsinə uyğun olaraq Azərbaycan Respublikası Prezidentinin Fərmanı ilə ölkədə hərbi vəziyyətin elan olunması məsələsi müzakirə edilib.

Müzakirələrdən sonra ölkədə hərbi vəziyyətin tətbiq edilməsi ilə bağlı qərar qəbul olunub.

Hərbi vəziyyətin elan edildiyi bölgələrdə komendant saatının da elan edilməsi nəzərdə tutulur.