Ermәnistan qüvvәlәrinә Laçından çıxması üçün verilәn müddәt bu gün sona çatır

Ermәnistana 1992-ci ildә işğal etdiyi Laçın rayonunu 28 ildәn sonra Azәrbaycana geri qaytarması üçün verilәn müddәt bu gün sona çatır.

Ermәnistan әldә olunan üçtәrәfli razılaşma çәrçivәsindә bu gün yerli vaxtla saat 24.00-dәk Laçın rayonunu Azәrbaycana qaytaracaq. Laçın rayonu Dağlıq Qarabağla Ermәnistan arasındakı yeganә yoldur. Laçın dəhlizi olaraq adlandırılan yol strateji әhәmiyyәtә malikdir. Bu sәbәbdәn Laçın dəhlizi I Qarabağ müharibәsi dövründә ermәnilәrin ilk hәdәfinә çevrilmişdi.

Ermәnistan qüvvәlәri  Xankәndi vә Şuşadan sonra may ayının 18-dә Laçın rayonunu işğal etmişdi. Azәbaycan Ordusu sentyabrın 27-dә başlatdığı әmәliyyat nәticәsindә 5 şәhәr, 4 qәsәbә vә 286 kәndi işğaldan azad etdikdәn sonra Ermәnistan mәğlub olduğunu etiraf etmişdi.

Ermәnistan qüvvәlәri noyabrın 20-dә Ağdamdan, noyabrın 25-dә isә Kәlbәcәrdәn çıxmişdı.