Իրանը քննադատել է Ֆրանսիայի ոստիկանության միջամտությունը

Իրանը քննադատել է Ֆրանսիայի ոստիկանության միջամտությունը Ֆրանսիայում կենսաթոշակային բարեփոխումների դեմ ցույցերին։

1962015
Իրանը քննադատել է Ֆրանսիայի ոստիկանության միջամտությունը

Իրանի արտգործնախարարության խոսնակ Նասեր Քենանին այս թեմայով կատարած հայտարարությանը ասել է․

«Ֆրանսիայի ոստիկանության կողմից բողոքի ցույցերի դեմ բռնության կիրառումը վկայում է այն մասին, որ այս երկրի կառավարությունը հավատարիմ չէ ժողովրդավարության և խոսքի ազատության սկզբունքներին»:

Քենանին հայտարարել է, որ իրենք «Փարիզի վարչակազմին խորհուրդ են տվել հրաժարվել մարդու իրավունքների երկակի ստանդարտից և գործիքավորել խնդիրը» ու ասեց․

«Ֆրանսիան պետք է դադարեցնի բռնություն կիրառել բողոքի ցույցերի դեմ»։

Անվտանգության ուժերը միջամտել են մարտի 16-ին բռնկված և երեկ շարունակվող բողոքի ակցիաներին՝ առանց քվեարկության 2 տարով կենսաթոշակային տարիքը բարձրացնող օրինագիծն ընդունելու կառավարության որոշումից հետո։

Բազմաթիվ քաղաքներում, հատկապես Փարիզում, Մարսելում, Բորդոյում, Նանտում և Ամիենում անցկացված բողոքի ցույցերում կատաղի բախումներ են տեղի ունեցել ցուցարարների և ոստիկանների միջև։ Բողոքի ակցիաների ժամանակ հայտարարվեց, որ մինչ այժմ բերման է ենթարկվել ավելի քան 500 ցուցարար, իսկ ավելի ուշ ցուցարարներից 283-ը ազատ են արձակվել։

Մինչ Ֆրանսիայում կենսաթոշակային բարեփոխումների վերաբերյալ արձագանքները շարունակվում են, Ազգային ժողովում կքննարկվի կառավարությանն անվստահության հարցը։ Գլխավոր ասամբլեայում մեծամասնություն չունեցող կառավարությունը, ամենայն հավանականությամբ, կընկնի։

 



Այս թեմայով լուրեր