ԵՄ Ադրբեջան-Հայաստան սահմանին կնշանակի քաղաքացիական դիտորդական առաքելություն

ԵՄ արտաքին հարաբերությունների և անվտանգության քաղաքականության գերագույն ներկայացուցիչ Ժոզեպ Բորելը Լյուքսեմբուրգում արտգործնախարարների հանդիպումից հետո մամուլի համար հայտարարություն է արել։

Նշելով, որ նախարարները կանաչ լույս են տվել ադրբեջանա-հայկական սահման քաղաքացիական առաքելություն ուղարկելու համար, Ժոզեպ Բորելն ընդգծել է, որ Հարավային Կովկասը մեծ նշանակություն ունի ԵՄ-ի համար, և որ իրենք առաջին անգամ են նման առաքելություն ուղարկում տարածաշրջան։

Բորելը հայտարարել է, որ առաջիկա շաբաթներին 40 մարդ կտեղակայվի Ադրբեջանի հետ միջազգային սահմանի հայկական կողմում։

Նշելով, որ դա կողմերի խնդրանքով ընդունված որոշում է, Բորելը հայտարարել է, որ թիմն արդեն Հայաստանում է, ուստի այն կարող է տեղակայվել կարճ ժամանակում։

Եվրոպական խորհրդի նախագահ Շառլ Միշելը նույնպես Twitter-ում կիսվել է. «Ես ողջունում եմ դիտորդական խմբի արագ տեղակայումը Ադրբեջանի հետ Հայաստանի միջազգային սահմանին»։