Ադրբեջանի պաշտպանության նախարարությունը թարմացրել է նահատակների ցուցակը

Ադրբեջանի պաշտպանության նախարարությունն իր կայքում թարմացրել է նահատակների ցուցակը։ Ըստ այդմ՝ ցուցակում ընդգրկված է սեպտեմբերի 12-ին Հայաստանի սադրանքների արդյունքում երկու երկրների սահմանին բռնկված բախումներում նահատակված 71 զինվորների անունները։

Նախարարությունն իր նախորդ հայտարարության մեջ հայտարարել էր, որ նահատակվել է 50 զինվոր։

Ադրբեջանի պաշտպանության նախարարությունը հայտարարել է, որ սեպտեմբերի 12-ի գիշերը և լույս 13-ի առավոտյան հայկական բանակը լայնածավալ սադրանք է իրականացրել Դաշքեսենի, Քելբաջարի, Լաչինի և Զանգիլանի ուղղությամբ։

Տարբեր տրամաչափի զինատեսակներից, այդ թվում՝ ականանետերից գնդակոծվել են սահմանին գտնվող ադրբեջանական բանակի որոշ դիրքեր և ապաստարաններ։ Հայկական զինուժի կրակակետերը լռեցնելու և հակամարտության ընդլայնումը կանխելու համար ադրբեջանական զինուժը դիմել է պատասխան գործողությունների, իսկ հայկական զորքերին պատճառվել են մեծ կորուստներ։

Հայաստանի վարչապետ Նիկոլ Փաշինյանը հայտարարեց, որ բախումների ժամանակ զոհվել է 105 հայ զինվոր, իսկ Ադրբեջանը հայտարարել է, որ պատրաստ է հանձնել Հայաստանի սադրանքներով սկսված հակամարտությունում զոհված շուրջ 100 հայ զինվորների դիերը։