Իրաքը անվտանգության պատնեշ է կառուցում Սիրիայի սահմանին
Իրաքի բանակը հայտարարել է, որ Սիրիայի սահմանին 650 կիլոմետրանոց անվտանգության պատնեշ է տեղադրվել, որը բաղկացած է փշալարերից ու դիտաշտարակներից՝ երկիր ահաբեկիչների ներթափանցումը կանխելու համար։
1723333
Պաշտոնական INA լրատվական գործակալությանը տված հայտարարության մեջ Իրաքի բանակի խոսնակ Յահյա Ռեսուլը հայտարարել է, որ Սիրիայում ահաբեկչական կազմակերպությունները դեռ վտանգ են ներկայացնում իր երկրի համար։
Մամուլի խոսնակ Ռեսուլն ընդգծել է, որ սիրիական կողմի հետ իրենք ավարտին են հասցրել 650 կիլոմետր երկարությամբ անվտանգության պատնեշը՝ բաղկացած դիտաշտարակներից, ջերմային տեսախցիկներից եւ փշալարերից։
Հայտնելով, որ իրաքյան անվտանգության ուժերը լավ են պաշտպանում երկրի սահմանները, Ռասուլն ասել է, որ ցանկանում են հսկողության տակ առնել Իրաք-Սիրիա ամբողջ սահմանը և թույլ չտալ ահաբեկիչների ներթափանցումը Իրաք։
