Էմինե Էրդողանը Ստամբուլում հանդիպել է Օլենա Զելենսկայի հետ
Առաջին տիկին Էմինե Էրդողանը հանդիպել է Ուկրաինայի նախագահ Վլադիմիր Զելենսկու կնոջ՝ Օլենա Զելենսկայի հետ։
Առաջին տիկին Էրդողանը Ստամբուլի Վահդեթին առանձնատանը հանդիպել է Օլենա Զելենսկայի հետ
Զելենսկան տեղեկատվություն է տվել Ուկրաինայի վերջին զարգացումների, ինչպես նաև իր անունը կրող հիմնադրամի աշխատանքի մասին։
Զելենսկան առաջին տիկին Էրդողանին է փոխանցել ամուսնու՝ Վլադիմիր Զելենսկու կողմից Ուկրաինային ցուցաբերած աջակցության համար ուղարկված շնորհակալական նամակը։
Զելենսկան իր գոհունակությունն է հայտնել այն փաստի կապակցությամբ, որ Թյուրքիյեն հյուրընկալել է 1300 ուկրաինացի առանց ընտանիքների, և օգնություն է խնդրել հատուկ կարիքներով մոտ 200 երեխաների տարհանման և Թյուրքիյե բերելու հարցում։
Նշելով, որ նախագահ Էրդողանի հզոր առաջնորդության և դիվանագիտական հմտությունների շնորհիվ տեղի է ունեցել հացահատիկի միջանցքը և ռուսական գերիների փոխանակումը, Զելենսկան ընդգծել է, որ հատկապես հացահատիկի միջանցքը փրկել է աշխարհը պարենային մեծ ճգնաժամից։
Օլենա Զելենսկան, ուշադրություն հրավիրելով պատերազմի պատճառով առողջապահության ոլորտում ավելացած կարիքների վրա, Էմինե Էրդողանից աջակցություն է խնդրել շտապօգնության մեքենաների և ինկուբատորների տրամադրման համար։
Էմինե Էրդողանը Թվիթթերի իր գրառմանը ասել է․
«Ուրախ էի Ստամբուլում հյուրընկալել իմ սիրելի ընկերուհի Օլենա Զելենսկային՝ Ուկրաինայի նախագահի կնոջը։ Ես հավատում եմ, որ մենք միասին կբուժենք ուկրաինացի ժողովրդի, հատկապես պատերազմի զոհ դարձած կանանց ու երեխաների վերքերը։ Ինչպես գործընթացի սկզբում էր, Թյուրքիյեն կշարունակի իր դիվանագիտական պայքարը բոլոր ոլորտներում խաղաղության հաստատման համար»։
Թյուրքիյեն շարունակելու է իր դիվանագիտական պայքարը բոլոր ոլորտներում խաղաղության հաստատման համար, ինչպես դա եղել է գործընթացի սկզբում։
Ռուսական զորքերը Ուկրաինայի վրա հարձակում են սկսել փետրվարի 24-ին։
