«Բարսելոնան» առաջարկ է արել Նեյմարին

Կատալոնական «Բարսելոնան» պատրաստվում է ֆրանսիական ՊՍԺ-ի հարձակվող Նեյմարի վերադարձին:

«Բարսելոնան» կապ է հաստատել 26-ամյա բրազիլացու ներկայացուցիչների հետ՝ առաջարկելով, որ նա պետք է հանդես գա որպես այդ գործարքի նախաձեռնող:

Հիշեցնենք, որ Նեյմարը «Բարսելոնայում» խաղացել է 2013–2017 թվականներին եւ ՊՍԺ է տեղափոխվել 222 միլիոն եվրոյով։ Մամուլում լուրեր են շրջանառվում, որ Նեյմարի ու ՊՍԺ-ի միջեւ պայմանագրի կետերից մեկի համաձայն՝ 2020 թվականի ամռանը նա կարող է 200 միլիոն եվրոյի դիմաց հեռանալ ակումբից: