Google-ն անվանել է 2018թ․ ամենահանրահայտ հարցումը

2018թ․ Google-ի որոնման համակարգում ամենահանրահայտ հարցումը եղել է «ֆուտբոլի աշխարհի չեմպիոնատ»-ը։ Այս մասին է վկայում ընկերության կողմից հրապարակված «Տարին որոնման մեջ» ծրագիրը։

Google-ի օգտատերերը ֆուտբոլի չեմպիոնատի մասին որոնումներից հետո ամենաշատը փնտրել են երաժիշտների՝ դիջեյ Ավիչիին եւ ռեպեր Մակ Միլլերին։

«Նորություններ» անվանակարգում ամբողջ աշխարհի օգտատերերը հաճախ փնտրել են տեղեկատվություն «Ֆլորենս» փոթորկի, Mega Millions վիճակահանության մասին, հետաքրքրվել են Բրիտանիայում արքայական հարսանիքով եւ ընտրությունների արդյունքնեով։ «Մարդիկ» անվանակարգում ամենատարածված որոնումը վերաբերում է Մեգան Մարքլին, ինչպես նաեւ՝ ամերիկյան երգչուհի եւ դերասանուհի Դեմի Լովատոյին։