Ուկրաինան հայտնել է, որ ռուսական օկուպացիայից ազատագրել են Կլիշչիևկա գյուղը

Ուկրաինայի ցամաքային զորքերի հրամանատար Ալեքսանդր Սիրսկին սոցցանցերի իր միկրոբլոգում իր հայտարարության մեջ նշել է, որ ուկրաինական բանակը հաջողության է հասել Բահմուտի ուղղությամբ և ասել.

«Կլիշչիևկան մաքրվել է ռուսներից և ազատագրվել 80-րդ օդային հարձակման բրիգադի, 5-րդ գրոհային բրիգադի և Ուկրաինայի ազգային ոստիկանության համակցված հարձակման բրիգադի կողմից»:

Ուկրաինայի նախագահի գրասենյակի ղեկավար Անդրեյ Երմակը նույնպես սոցիալական ցանցերում իր գրառման մեջ նշել է, որ Կլիշչիևկան գտնվում է Ուկրաինայի վերահսկողության տակ ու ասել է․

«Շնորհակալ եմ զինվորներին ուկրաինական հողերը օկուպացիայից փրկելու համար»։

Ուկրաինայի գլխավոր շտաբը ուրբաթ օրը հայտարարել է Դոնեցկի մարզի Անդրիևկա գյուղի ազատագրման մասին։

2022 թվականի փետրվարի 24-ին ՌԴ նախագահ Վլադիմիր Պուտինը հրաման տվեց ներխուժել Ուկրաինա, այդպիսով սկսվեց ռուս-ուկրաինական պատերազմը։

Պուտինը հայտարարել է, որ նպատակ ունի ապառազմականացնել և ապանացիստականացնել երկիրը, որպեսզի կանխի Կիևի անդամակցությունը ՆԱՏՕ-ին և այն պահի Ռուսաստանի ազդեցության գոտում: