Պակիստանում մզկիթի վրա հարձակման հետևանքով զոհերի թիվն ավելացել է

Համաձայն ազգային լրատվամիջոցների լուրերի՝ որոնողա-փրկարարական աշխատանքները շարունակվում են երեկ կեսօրվա աղոթքի ժամանակ քաղաքի Ոստիկանության գծերի տարածքում գտնվող մզկիթի վրա մահապարտ հարձակումից հետո։

Իշխանությունները հայտարարել են, որ մահապարտների հարձակման հետևանքով զոհվածների թիվը հասել է 72-ի, իսկ մոտ 150 վիրավորի բուժումը շարունակվում է։

Խայբեր Պախտունխվայի կառավարությունը նահանգում սգո օր է հայտարարել։

Հատկանշական է, որ հարձակումը, որի պատասխանատվությունը ստանձնել է Պակիստանի թալիբները (TTP) տեղի է ունեցել այն ժամանակ, երբ ԱԳ նախարար Բիլավալ Բհուտո Զարդարին այցելում էր Ռուսաստան։

Պակիստանի թալիբները որը վերջերս ավելացրել է իր հարձակումները, նոյեմբերի 28-ին սոցցանցերում հայտարարեց, որ մայիսի 10-ին Իսլամաբադի վարչակազմի հետ սկսված հրադադարը ավարտվել է և որ իր անդամներին հրամայել է հարձակվել անվտանգության ուժերի վրա ողջ երկրում:

Պակիստանը TTP-ին համարում է ահաբեկչական կազմակերպություն։