Բայդենի ելույթը ՄԱԿ-ում
Միացյալ Նահանգների նախագահ(ԱՄՆ) Ջո Բայդենը ասել է․
«Ռուսաստանը ներխուժելով իր հարեւանին, ցանկանում էր ինքնիշխան պետությունը ջնջել քարտեզի վրայից»։
Ջո Բայդենը մասնակցել է ՄԱԿ-ի 77-րդ Գլխավոր ասամբլեային և ելույթ է ունեցել Նյու Յորքում։
Ելույթի սկզբում անդրադառնալով փետրվարի 24-ից սկսած Ռուսաստան-Ուկրաինա պատերազմին Բայդենն ասել է.
«ՄԱԿ-ի Անվտանգության խորհրդի մշտական անդամ Ռուսաստանը ցանկանում էր քարտեզից ջնջել ինքնիշխան պետությունը՝ ներխուժելով իր հարեւանը»:
Բայդենը մատնանշել է նաեւ ՌԴ նախագահ Վլադիմիր Պուտինի երեկ արված հայտարարությունը միջուկային տարբերակի վերաբերյալ ու ասեց․
«Պուտինը հրապարակայնորեն սպառնացել է միջուկային զենքով Եվրոպային՝ բացահայտորեն արհամարհելով միջուկային զենքի չտարածման ռեժիմի ներքո իր պարտականությունները»:
Բայդենն ընդգծել է, որ կանի ամեն ինչ, որպեսզի թույլ չտա Իրանին միջուկային զենք ձեռք բերել ու շարունակել է հետևյալ կերպ․
«Չինաստանն աննախադեպ և տագնապալի մակարդակով գնաց միջուկային ծրագրի առանց որևէ թափանցիկության»:
Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին նույնպես ասել է, որ իրենք «շատ լուրջ են վերաբերվում» Վլադիմիր Պուտինի հայտարարությունը միջուկային զենքի կիրառման վերաբերյալ և ուշադիր հետևում են ռուսական միջուկային տեղակայմանը։
Ռուսաստանի նախագահ Պուտինը երեկ պետական ալիքներով հեռարձակվող ժողովրդին ուղղված իր ուղերձում ասել է, որ ինքը մասնակի մոբիլիզացիա է հայտարարել և չի վարանի օգտագործել իր տրամադրության տակ եղած բոլոր հնարավորությունները, երբ անհրաժեշտ լինի՝ նկատի ունենալով միջուկային զենքը։
Այս թեմայով լուրեր
Թիմուր Իվանովը ձերբակալվել է կաշառք ստանալու կասկածանքով
ՌԴ պաշտպանության փոխնախարար Թիմուր Իվանովը ձերբակալվել է կաշառք ստանալու կասկածանքով։