قطر توناون سوريه نینگ حلب ولایتیده اویوشتیریلگن ترور هجومینی قارهلهدی
توناون سوريه نینگ حلب ولایتیگه قرهشلی منبج تومنیده پارتلاوچی مادّه اورنهتیلگن موتر بیلن ترورچیلیک هجومی اویوشتیریلگندی

قطر توناون سوريه نینگ حلب ولایتیگه قرهشلی منبج تومنیده پارتلاوچی مادّه اورنهتیلگن موتر بیلن عملگه آشیریلگن ترور هجومینی قارهلهدی.
قطر تشقی ایشلر وزیرلیگی نینگ یازمه بیاناتیده، "سوريه عرب جمهوریتی نینگ منبج شهریده عملگه آشیریلگن پارتلاوچی مادّهلی هجومنی قتّيق قارهلهیمیز"، دېیلدی.
ترور و خشونتگه قرشی اېکنلیگی تأکیدلنگن بیاناتده، "قطر، سببی نیمه بولیشیدن قطعی نظر، هر قندهی خشونت و ترور حرکتلرینی رد اېتهدی"، دېییلدی.
قطرنینگ سوريه بیلن همجهتلیکده اېکنلیگی تأکیدلنگن بیاناتده، شونینگدېک سوريهده خوفسیزلیک و برقرارلیک اوچون تشلنهدیگن هر قندهی قدمنی قوللب-قوّتلشلری قید اېتیلدی.
منبج تومنیده پارتلاوچی مادّه اورنهتیلگن موتر بیلن عملگه آشیریلگن ترور هجومیده 17 کیشی تینچ اهالی هلاک بولگن، 16 کیشی یرهلنگن اېدی.
هجوم نینگ مسؤلیتینی حاضرچه هېچ کیم اوز ذمّهسیگه آلمهگن بولسه-ده، محلي خوفسیزلیک کوچلری بو هجومنینگ بولووچی ترور تشکیلاتی پ ک ک/وای پی جی تامانیدن عملگه آشیریلگن بولیشی ممکنلیگی اوستیده باش قاتیریلماقده.
سوریه ملی اردوسی کوچلری "آزادلیک تانگی" عملیاتی دایرهسیده 2024-ییل 9-دسامبرده منبیجنی ترورچیلردن آزاد قیلگن اېدی.