سوریه ده ترورچیلیک هجومی اویوشتیریلدی

اوشبو حادثه حلب ولایتی‌گه قره‌شلی منبیج تومنیده یوزبیردی

2236640
سوریه ده ترورچیلیک هجومی اویوشتیریلدی

سوريه‌ نینگ حلب ولایتی‌گه قره‌شلی منبیج تومنیده پارتلاوچی مادّه‌لر اورنه‌تیلگن اتوموبیل بیلن عملگه آشیریلگن ترور هجومیده دستلبکی معلوماتلرگه کوره‌ 7 نفر تینچ اهالی هلاک بولدی، 14 نفر یره‌لندی.

"آزادلیک تانگی" عملیاتی دایره‌سیده بولووچی ترور تشکیلاتی پ ک ک/وای پی جی دن تمیزلنگن منبیج نینگ جَنوبي کیریش قِسمیده اتوموبیلگه اورنه‌تیلگن بمب‌ پارتله‌تیلدی.

عملگه آشیریلگن ترور هجومیده دستلبکی معلوماتلرگه کوره‌ 7 نفر تینچ اهالی حیاتینی یوقاتدی، 14 کیشی یره‌لندی.

یره‌لنگنلر اطرافده‌گی شفاخانه‌لرگه یاتقیزیلدی، هلاک بولگنلر سانی آرتیشیدن خواطر موجود.

هجوم نینگ مسؤلیتینی حاضرچه هېچ کیم اوز ذمّه‌سیگه آلمه‌گن بولسه-ده، محلي خوفسیزلیک کوچلری بو هجوم‌نینگ بولووچی ترور تشکیلاتی پ ک ک/وای پی جی تامانیدن عملگه آشیریلگن بولیشی ممکنلیگی اوستیده باش قاتیریلماقده.

سوریه ملی اردوسی کوچلری "آزادلیک تانگی" عملیاتی دایره‌سیده 2024-ییل 9-دسامبرده منبیجنی ترورچیلردن آزاد قیلگن اېدی.



علاقه لی ینگی لیکلر