مکه مکرمه ده سوو تاشقینی یوزبیردی
سعودی عربستان نینگ مکه شهریده کوچلی یامغیر سوو تاشقینی گه سبب بولدی
2228053
سعودی عربستان نینگ مکه شهریده کوچلی یامغیردن کېین یوز بېرگن سوو تاشقینی آفتی مادّي یوقاتیشلر بیلن بیرگه کوپلب حدودلر نینگ سوو آستیده قالیشیگه سبب بولدی.
سعودی عربستان رسمي خبر آژانی س پ ا، مکه نینگ کوپلب حدودلریده کوچلی و اورته درجهدهگی یامغیر یاققنینی معلوم قیلدی.
شهردهگی بعضی کوچه و جادهلر کوچلی سېل سوویدن کیلیب چیققن آقیملر بیلن تولیب، موترسیکل و اتوموبیللرنینگ آقیب کېتگنی کوزهتیلدی.
شهردهگی کوپلب دوکان و کارخانهلرنی هم سوو باسگنی قید اېتیلگن خبرده، قربانلر حقیده معلومات بېریلمهدی.
سعودی عربستان ملي هواشناسلیک باشقرووی مکهده کوچلی یامغیر و شمال بیلن بیرگه ژاله یاغیشی ممکنلیگی حقیده آگاهلنتیرگن اېدی.
