دمشق خلقارا هوا قونلغهسیگه دستلبکی خلق ارا اوچیش عملگه آشیریلدی
سوريهدهگی ینگی دورده دَمشق خلقارا هوا قونلغهسیگه قونگن بیرینچی خلقارا یولاوچی اوچاغی بولدی
2227860
قطرنینگ پایتختی دوحهدهگی حمد خلقارا هوا قونلغهسیدن کوتریلگن یولاوچی اوچاغی سوريهدهگی دَمشق خلقارا هوا قونلغهسیگه قوندی.
بو، سوريهدهگی ینگی دورده دَمشق خلقارا هوا قونلغهسیگه قونگن بیرینچی خلقارا یولاوچی اوچاغی بولدی.
سوريهده بعث رژیمی اغدریلگنیدن سونگ دَمشق خلقارا هوا قونلغهسی قَیته فعالیت گه باشلرکن 18-دسامبرده سوريه هوا یوللری کمپنیسیگه تېگیشلی یولاوچی اوچاغی ینگی دورده دَمشق خلقارا هوا قونلغهسیدن حلبگه بیرینچی محلي پروازنی عملگه آشیرگن اېدی.
دَمشق خلقارا هوا قونلغهسی بوگون اېرتهلب خلقارا پروازلر اوچون هم آچیلدی.
سوريهده ینگی دورده دَمشق هوا قونلغهسیدن بیرینچی خلقارا پرواز بیرلشگن عرب امیرلیکلری نینگ شارجه شهریگه عملگه آشیریلگن اېدی.
