جهان ساغلیقنی سقلش تشکیلاتی اسرائیل هجوملری نینگ خدمتلری نینگ چیکلب قویگن لیگینی بیلدیردی
موضوع حقیده جهان ساغلیقنی سقلش تشکیلاتی فلسطین وکیلی ریک پیپرکورن بیانات بیردی
جهان ساغلیقنی سقلش تشکیلاتی فلسطین وکیلی ریک پیپرکورن، بیرلشگن ملتلر تشکیلاتی نینگ ژنو مرکزیدهگی هفتهلیک مطبوعات انجمنیگه جانلی روشده اشتراک اېتیب، بیانات بېردی.
اسرائیل اوردوسی نینگ غزه نینگ شمالي قِسمیگه ییردن هجوملری نینگ دوام اېتهیاتگنینی و بو حالت نینگ ساغلیقنی سقلش خدمتلریگه کیریش امکانیتینی چېکلهیاتگنینی تأکیدلهدی. ریک پیپرکورن: " کمال ادوان، الاوده و اندونزیا کسلخانهلریگه کیریش جدّي درجهده چېکلنگن. مهم طبي واسطهلر، یاقیلغی و قان بولیمیده یېتیشماوچیلیک کوزهتیلهیاتگنی معلوم قیلیندی" دېدی.
ریک پیپرکورن ، جهان ساغلیقنی سقلش تشکیلاتی نینگ غزهدهگی پروژهلری نینگ اسرائیل نینگ هجوملری و مداخله لریدن جدّي درجهده تأثیر کورهیاتگنینی تأکیدلب، "2023-ییل اکتوبر و 2024-ییل 4-دسامبر آرهلیغیده غزهده جهان ساغلیقنی سقلش تشکیلاتی رهبرلیگیده رېجهلشتیریلگن 273 پروژه نینگ 58 فایزی رد اېتیلدی، توختهتیلدی یاکه توسیق بولیندی" دېدی.
ریک پیپرکورن غزه نینگ بوتون حدودیده کمیده 12 مینگ کسل نینگ حیاتگه قالیشی اوچون طبي تخلیهگه احتیاج بارلیگینی تأکیدلهدی.
