سوریه ده توقنه شوولر کوچلی روشده دوام ایتماقده

سوریه‌ده رژیم قوشینلری گه قرشی اوروشگن رژیم‌گه مخالف قوراللی گروپلر حلب شَهری‌نینگ تشقى محله‌لریگە بیر کیلومتر یقینلشدی.
توقنه شوولر بیرینچی مرته آلدینگی کونی ایرته‌لب حلب ولایتی‌نینگ غربى چیکه حدودیده باشله‌دی بوتون کون دوام ایتدی.

حلب‌نینگ غربیدە 32 قیشلاق و حربی نقطه‌نینگ نظارتینی قولگه آلگن قوراللی گروپلر، توناون کونی حلب و ادلب ولایتلریدە توپلم 24 قیشلاق و حربی نقطه‌نى کنترول آستیگه آلدی.

حلب شَهری‌نینگ تشقى محله‌لریگە بیر کیلومتر یقینلشىگن و تقریباً 400 کیلومتر ساحه‌نینگ کنترولینی قولگه آلگن رژیم‌گه مخالف گروپلر، شونده‌ی قیلیب ایرته لب تانگ وقتی حلب‌ نیراب حربی قونلغه گه درونلر آرقه لی هجوم اویوشتیردی و بیر تیک اوچرنی یوق قیلیب تشله دی.

رژیم قوشینلرى، توقنه شوولر دوام ایترکن ملکی یشاوچى تورر جایلرنى ییردن نشان آلیب اوردی.

قوراللی گروپلر، کنترول آستیگه آلگن منطقه لرده رژیم‌گه تیگیشلی آغیر قوراللر، دیپولر و حربی تَرَانسپورت واسطه‌لرینى قولگه آلدى.

اوروشلرده كوپلب رژیم عسکرى اولدی، اونلب عسکر اسیر آلیندى.

مَنطقه‌ده‌گى اوروشلردن قاچیب چیققن تقریباً 10 مینگ تینچ اهالی، ادلب چیکه حدودیلریده سىیغیندى.

اوروشلر، حلب شَهری‌نینگ مرکزیگە قره‌ب شدتلی روشده دوام ایتماقده.