روسیه‌گه تیگیشلی اوروش اوچاقلری سوريه‌ ده تورر جایلرگه هجوم اویوشتیردی

روسیه‌گه تېگیشلی اوروش اوچاقلری سوريه‌ نینگ شمالي قِسمیده‌گی حلب ولایتی نینگ غربي دارت ایزه و عطریب تومنلریگه هجوم قیلدی، نتیجه‌ده 12 کیشی اولدی، کمیده 30 کیشی یره‌لندی.

مخالف تامان نینگ اوچاق کوزه‌تیش مرکزیدن آلینگن معلوماتگه کوره‌، لاذقيه ولایتیده‌گی هیمېیمیم مرکزیدن اوچگن روسیه اوروش اوچاقلری دارت ایزه و عطریب ده‌گی تینچ اهالی تورر جایلریگه هوا هجوملری اویوشتیردی.

ملی مدافعه منبعلریدن آلینگن معلوماتگه کوره‌، دارت ایزه ده 4 و عطریب ده اېسه 8 کیشی هجوملر نتیجه‌سیده حیاتدن کوز یومدی. هجوملر دوامیده‌ 7 نفری باله‌ کمیده 30 کیشی یره‌لندی.

یره‌لنگن تینچ اهالیلر اطرافده‌گی شفاخانه‌لرگه آلیب باریلدی.

شو بیلن بیرگه‌، حلب و ادلیب ولایتلریده بشارالاسد رژیمی و رژیم گه قرشی قوراللی گروه هیئت تحریر شام اورته‌سیده 2 کوندن بیری‌ توقنه شوولر یوز بېرماقده.

رژیم‌گه قرشی گروهلر توقنه شوولر دوامیده‌ اسد رژیمی نینگ نظارتیده‌گی توپلم 39 قیشلاقنی آلدی.