حماس اسرائیل عسکر لری گه قرشی هجوم اویوشتیردی

حماس نینگ قوراللی قناتی بولگن غزالدین القسام لوالری، غزا نواری نینگ شمالیده عملگه آشیریلگن هجومده اسرائیل عسکرلری آره‌ سیده هلاک بولگنلر و یره ‌لنگنلر بارلیگینی اعلان قیلدی.

القسام لوا لری تامانیدن بیریلگن یازمه بیاناتده، غزه نواری نینگ شمالیده‌ گی جبالیه قاچقینلر کمپیده بیر اویگه یشیرینگن اسرائیل عسکرلریگه راکت‌ بیلن هجوم اویوشتیریلگنی ایتیلدی.

جبالیه قاچقینلر کمپی نینگ مرکزی قسمیده جایلشگن یمن السعید کسلخانه ‌سی یقینیده اویوشتیریلگن هجومده اسرائیل عسکرلری نینگ هلاک بولگنی یاکه یره ‌لنگنی تأکید لندی، شونینگدیک، غزه شهریده هم اسرائیل عسکرلری نینگ نشانگه آلینگنی بیلدیریلدی.

اوشبو توغریده اسرائیل تامانیدن ایسه هیچ قنده ی بیر بیانات بیریلمه گن. 

اسرائیل نینگ 7 - اوکتوبردن بیری غزه نواریگه اویوشتیریب کیله یاتگن هجوملریده 17 مینگ 210 نفری باله‌، 11 مینگ 742 نفری عیال دن عبارت، توپلم 43 مینگ 341 نفر فلسطینلیک حیاتینی یوقاترایکن، 102 مینگ 105 کیشی ایسه یره لندی.

حلی هم ویرانه ‌لر آستیده مینگلب هلاک بولگنلر بارلیگی بیلدیریلماقده.