اسرائیل بیروت نی بمباران قیلدی
اوشبو حقده اسرائیل اردوسی سوزچیسی بیانات بیردی
اسرائیل بوگون ایرته لب بیروت نینگ جنوبیگه هوا هجومی اویوشتیردی.
اسرائیل اردوسی سوزلاوچیسی اجتماعي ترماق آرقه لی بیرگن بیاناتیده هجومده حزب الله گه تیگیشلی بولگن قورال دیپوسی نینگ نشانگه آلینگن لیگینی ادعا ایتدی.
هجوم, سوزچی نینگ بیروت نینگ جنوبیده گی حزب الله هدف لریگه قره تیلگن تهدیدلی بیاناتلریدن سونگ اویوشتیریلدی. اسرائیل 10-اکتوبردن بری بیروتگه هجوم اویوشتیرمه گن ایدی.
اسرائیل نینگ لبنانده گی کونساین آرتیب کیتگن هجوملریده 2 مینگ 350 کیشی حیاتینی یوقاتدی. حزب الله بیلن 2023-ییل 8-اکتوبردن بویان کنتروللی توقنه شوولرنی دوام ایتتیره یاتگن اسرائیل اردوسی، 23- سپتامبرده لبنان نینگ جنوبی شهرلریگه، شونینگدیک، بقا و بعلبک حدودلریگه یوزلب هوا هجومی اویوشتیردی.
لبنان ساغلیقنی سقلش وزیرلیگی تامانیدن بیریلگن معلومات گه کوره، هجوملرده 2023-ییل 8-اکتوبردن بیری 104 نفری باله و 194 نفری عیالدن عبارت توپلم 2 مینگ 350 کیشی حیاتینی یوقاترایکن، 10 مینگ 906 کیشی ایسه یره لندی.
