تورکیه تامانیدن غزه ده اون مینگلب کیشی گه آذیق - طعام ییتکزیب بیریلماقده
غزه نینگ شِمالیده جایلشگن خا‌ن یونوس شهریده‌گی محتاجلرگه ییتکزیب بیریش گه باشلندی
تورکيه، 20 مینگ کیشیلیک آزیق-طعام محصولاتلرینی غزه نینگ شِمالیده جایلشگن خا‌ن یونوس شهریده‌گی محتاجلرگه ییتکزیب بیریش گه باشله‌دی.
تورک قیزیل آی جمعیتی تامانیدن بیریلگن بیاناتده، اسرائیل نینگ 6-می کونی رفح چیگره‌سینی کنترولینی قولگه آلگنیدن بیری چیکلنگن مقدارده انسانپرورلیک یاردمی یوک مو‌ترلری نینگ اوتیشیگه رخصت بیریلگنی طفیلی غزه ده اهالی دییرلی بوتونله‌ی آچلیک و اولیم خوفی آستیده یشه یاتگنیگه اعتبار قره‌تیلدی.
غزه گه انسانپرورلیک یاردمینی ییتکزیشده قیینچیلیکلر یوزه‌گه کیله‌یاتگنی تأکیدلنگن بیاناتده،
"تورک قیزیل آی، قوروق آزیق-طعام، اوسیملیک سویوق، بلیق کانسروسی کبی 16 خیل محصولاتدن عبارت 20 مینگ کیشیلیک آزیق-طعام محصولاتلرینی خا‌ن یونوس نینگ ترقاق اهالی یشه یدیگن حدودلریده‌گی محتاجلرگه ییتکزیب بیریش گه باشله‌دی،" دییلدی.
بیاناتده، تورک قیزیل یریم آی جمعیتی نینگ یاردملرنی غزه گه ییتکزیشده فلسطین، مصر و اردن قیزیل آی تشکیلاتلری بیلن موافقلشتیریب ایشله‌یاتگنی و منطقه‌گه ییر آرقه‌لی انسانپرورلیک یاردمینی یوباریش اوچون ریجه‌لشتیریش ایشلرینی دوام ایتتیره‌یاتگنی بیلدیریلدی.
شونینگدیک، بیاناتده تورک قیزیل آیی نینگ غزه ده موجود برچه قیینچیلیکلرگه قره‌مه‌ی دوام ایتتیره‌یاتگن آشخانه فعالیتی آرقه‌لی قشّاقلیک شرایطیده یشه یاتگن انسانلر اوچون یاردم کورسه‌تیشده دوام ایته‌یاتگنی قید ایتیلدی. قیزیل آی، 7-اکتوبرده توقنه‌شوولر باشلنگنیدن بیری اوّل رفح ده، کیینچه‌لیک دیرالبله‌ده‌گی آشخانه‌لرده کونیگه 15 مینگ کیشی نینگ ایسّیق طعام احتیاجینی قاندیره‌یاتگن لیگی قید ایتیلدی.
علاقه لی ینگی لیکلر
تورکیه اسرائیل نینگ لبنان ده گی هجوملرینی قتّیق قاره له دی
اسرائیل لبنان ده گی بیرلشگن ملتلر تشکیلاتی کوچلری گه هجوم اویوشتیردی
