اسرائیل نینگ هجوملریده ینه آلتی نفر فلسطینلیک حیاتینی یوقاتدی

اسرائیل اردوسی نینگ غزه نواری نینگ اورته و جنوبی قسم لری گه قره تیلگن هجوملریده 6 نفر فلسطینلیک حیاتینی یوقاتدی. 

فلسطین خبر آژانسی وفا گه کوره, اسرائیل اردوسی غزه نینگ جنوبیده گی رفح شهریده اورین آلگن المواصی منطقه سیده بیر اوی نی بمباران قیلدی. 

اوشبو حادثه عاقبتیده 5 نفر فلسطینلیک حیاتینی یوقاتدی. 

اسرائیل اردوسی نینگ, غزه نینگ اورته قسم لریده گی نصیرات مهاجر لر کمپیده بیر اوینی هدف قیلیب آلیشی عاقبتیده هم 1 نفر فلسطینلیک حیاتینی یوقاتدی و کوپلب کیشی ایسه یره لندی. 

شاهدلر, اسرائیل حربی لری نینگ الخلیل نینگ جنوبیده گی الظاهریه قصبه سی گه باسیب کیرگن لیگینی بیلدیردی. 

فلسطین قیزیل یریم آی جمعیتی تامانیدن بیریلگن بیانات گه کوره, اوشبو حادثه جریانیده یوز بیرگن توقنه شووده ایکّی کیشی اسرائیل عسکر لری طرفیدن اوق اوزیلیشی و 2 نفر ایسه چره تیگیشی عاقبتیده یره لندی.