اسرائیل نینگ غزه گه قره تیلگن هجوملریده قتل قیلینگنلر سانی 41 مینگ گه آشدی

اسرائیل اردوسی تامانیدن 7 اکتوبردن بیری غزه گه قره تیلگن هجوملرده قتل قیلینگنلر سانی 41 مینگ 20 گه ییتدی.

 غزه ده گی فلسطین ساغلیق نی سقلش وزیرلیگی تامانیدن بیریلگن یازمه بیاناتده، اسرائیل نینگ 340 کوندن بیری دوام ایتیب تورگن هجوملری بیلن علاقه لی معلومات بیریلدی.

اسرائیل کوچلری نینگ سونگّی 24 ساعتده غزه نینگ تورلی منطقه سیده 3 ته قتل عام گه قول اورگن لیگی خوددی شو هجوملرده ینه 32 نفر فلسطینلیک نینگ اولگن لیگی، 100 ته فلسطین لیک نینگ یره لنگن لیگی معلوم قیلیندی.

 شونده ی قیلیب اسرائیل اردوسی تامانیدن 7 اکتوبردن بیری غزه گه قره تیلگن هجوملرده قتل قیلینگنلر سانی نینگ 41 مینگ 20 گه ییتگن لیگی یره لنگنلر سانی نینگ 94 مینگ 925 نفرگه ییتگن لیگی قید ایتیلدی.

بیاناتده ویران بولیب قالگن اویلر و یول چیککه لریده جسدلرنینگ موجود ایکن لیگی بیراق اسرائیل کوچلری نینگ توسیق بولیشی طفیلی ساغلیکنی سقلش گروهلری بیلن همجمعیت نی قوریقلش تیملری نینگ جسدلرنی آلیش گه موفق بولمه گن لیگی معلوم قیلیندی.