اسرائیل لبنان گه هجوم اویوشتیردی

اسرائیل نینگ لبنان نینگ جنوبیده گی فرقلی منطقه لرگه هجوم اویوشتیریشی عاقبتیده 1 کیشی حیاتینی یوقاتدی و 7 نفر ایسه یره لندی. 

لبنان ساغلیق نی سقلش وزیرلیگی تامانیدن بیریلگن یازمه بیاناتگه کوره, اسرائیل نینگ لبنان نینگ جنوبیده گی کبریحه منطقه سی گه اویوشتیرگن هجومده بیر عیال حیاتینی یوقاتدی و 12 یاشلی بیر باله بیلن ینه بیر کیشی یره لندی.

عینی دمده اسرائیل نینگ حولا منطقه سی گه قره تیلگن هجومیده 3 و الحیام منطقه سیده اویوشتیرگن هجومیده ایسه 2 کیشی نینگ یره لنگن لیگی بیلدیریلدی. 

اسرائیل اردوسی بیلن لبنان حزب اللهی اورته سیده چیگره ده میلادی 2023- ییل 8- اوکتوبردن بیری توقنه شوو و ایکّی تامانلمه هجوم لر دوام ایتماقده.