ایران قوللب-قوّتله‌گن گروهلر بیلن امریکا کوچلری اورته‌سیده اوزارا هجوملر اویوشتیریلدی

سوريه‌ده، ایران قوللب-قوّتله‌گن گروهلر بیلن امریکا کوچلری اورته‌سیده اوزارا هجوملر اویوشتیریلدی.

سوريه نینگ شرقیده‌گی دیرالزور ولایتیده فرات دریاسی نینگ غربي قیرغاغیده جایلشگن ایران قوللب-قوّتله‌گن گروهلر، امریکا کوچلری جایلشگن کونیکا گاز تاسیساتیگه راکت‌ هجومی اویوشتیردی.

امریکا حربی مرکزی جایلشگن حدودده توتونلر کوتریلدی، هجومده یوقاتیشلر بولگن یاکه بولمه‌گنلیگی نامعلوم.

امریکا قوشمه‌ ایالتلری ییتکچیلیگیده‌گی ائتلاف گه تیگیشلی اروش اوچاقلری ایسه دیرالزور ولایتی نینگ شرقیده و هشا‌م قصبه سی اطرافیده ایران قوللب-قوّتله‌گن گروهلرگه تیگیشلی حربي نقطه لرنی بمباردمان قیلدی.

فرات دریاسی نینگ شرقیده جایلشگن دیرالزور حدودلری امریکا قوشمه‌ ایالتلری قوللب-قوّتله‌گن بولووچی ترور تشکیلاتی پ ک ک/وای پی جی تامانیدن اشغال قیلینگن، ولایت مرکزی و باشقه‌ چیکه حدودلری ایسه بشارالاسد رژیمی و ایران قوللب-قوّتله‌گن گروهلر نظارتیده دیر.