غزه ده تلفات سانی آرتیب بارماقده

اسرائیل اردوسی تامانیدن 7 اکتوبردن بیری غزه گه قره تیلگن هجوملریده قتل قیلینگنلر سانی 39 مینگ 929 نفرگه ییتدی.

اسرائیل، غزه نواریده گی قتل عاملریگه 312 کوندن بیری دوام ایتماقده.

غزه ده گی فلسطین ساغلیق نی سقلش وزیرلیگی تامانیدن بیریلگن یازمه بیاناتده، اسرائیل نینگ 312 کوندن بیری دوام ایتیب تورگن هجوملری بیلن علاقه لی معلومات بیریلدی.

 اسرائیل کوچلری نینگ سونگّی 24 ساعتده غزه نواری نینگ تورلی منطقه سید 2 ته قتل عام گه قول اورگن لیگی خوددی شو هجوملر عاقبتیده ینه 32 نفر فلسطینلیک نینگ اولگن لیگی، 88 ته فلسطینلیک نینگ یره لنگن لیگی معلوم قیلیندی.

بیاناتده، اسرائیل اردوسی تامانیدن 7 اکتوبردن بیری غزه گه قره تیلگن هجوملریده قتل قیلینگنلر سانی 39 مینگ 929 نفرگه، یره لیلر سانی ایسه 92 مینگ 240 نفر گه ییتگن لیگی قید ایتیلدی.

بیاناتده، حاضر هم ویران بولیب قالگن اویلر و یول چیککه لریده جسدلرنینگ موجود ایکن لیگی لیکن اسرائیل کوچلری نینگ ممانعتی سببلی ساغلیق نی سقلش تیم لری نینگ جنازه لرنی ییغیب آلالمه یاتگن لیگی معلوم قیلیندی.