اسرائیل خوفسیزلیک کینگشی ییر آستیده ییغیلدی
کابینه قوراللی کوچلر قومندانلیگینینگ چوقور دیب اتلگن ییر آستی قومنده اتاغیده ییغیلیش اوتکزدی
اسرائیل خوفسیزلیک کینگشی، پایتخت تل عفیف ده قوراللی کوچلر قومندانلیگینینگ "چوقور" دیب هم اتلگن ییر آستی قومنده اتاغیده ییغیلیش اوتکزدی.
محلي مطبوعاتده چیققن خبرلرده، ایران و حزب الله بیلن دوام ایتهیاتگن بحرانلیک آستیده خوفسیزلیک کینگشی نینگ ییغیلگنی قید ایتیلدی.
ییغیلیش، احتمالي فوق العاده وضعیتلر سیناوی اوتکزیش مقصدیده قوراللی کوچلر قومندانلیگیدهگی ییر آستی قومنده اتاغیده اوتکزیلگنی ایتیلدی.
باشقه تاماندن، اسرائیل تلویزیونی ییغیلیش نینگ کون ترتیبیگه عاید دقّتگه سزاوار ادعانی اورته گه آتدی.
کانال 12 تلویزیونی، اسرائیل اوردوسی نینگ خوفسیزلیک کینگشیدن حزب الله گه قرشی آلدینی آلیش هجومی اویوشتیریش بویروغینی آلیش احتمالیگه تیارلنهیاتگنینی ادعا قیلدی.
کانال 13 تلویزیونی ایسه تل عفیف نینگ قولیده موجود بولگن سونگگی معلوماتلرگه کوره، حزب الله نینگ قومندانلریدن فواد شُکورنینگ اولدیریلگن هجومیگه جوابن، اسرائیللیک یوقاری لوازملی بیر رسمينی نشانگه آلیشگه اورینیشی ممکنلیگینی ادعا قیلدی.
اسرائیل اوردوسی 30-جولای کونی لبنان نینگ پایتختی بیروتگه اویوشتیرگن هجومده حزب الله نینگ یوقاری لوازملی قوماندانلریدن فواد شُکور اولگن ایدی.
