مهم بیر تروریست جنگری تاثیرسیز وضعیت گه کیلتیریلدی
تورکیه ملی استخبارات تشکیلاتی عراق ده حربی عملیات اویوشتیردی
تورکیه ملی استخبارات تشکیلاتی (میت)، عراقده بولووچی ترور تشکیلاتی پ ک ک گه ینه بیر ضربه اوردی.
ترور جنایتلریدن قیدیروو/قولگه آلیش قراری بولگن ایزیز غبار کود آتیده گی ترورچی سردار سونمیزنینگ، پ ک ک منسوبی اوزیچه یوقاری درجهلی باشقرووچیلردن تورک قوراللی کوچلریگه (ت س ک) قرشی هجوم اویوشتیریش بویروغی آلگنلیگی معلوم بولدی.
میت نینگ ساحه ده گی استخباراتچیلریدن آلینگن معلوماتلرگه کوره، سردار سونمیز ت س ک نینگ خاکورکدهگی حرکت حدودیگه کیریشیش اوچون کشف و کوزهتوو فعالیتی آلیب باریش نیتیده ایدی. پ کک منسوبی ترورچی اوتکیر نشانلی قورال بیلن هجوم ریجهلشتیرگن ایدی.
آلینگن معلوماتلر اساسیده، میت سردار سونمیزنی قدم-بهقدم کوزهتیشگه کیریشدی. میت نینگ تشکیلات ایچیدهگی استخباراتچیلری آرقهلی ترورچی سونمیز نینگ حرکتگه اوتیشی و جایی حقیده معلومات آلینیشی بیلن اوپراسیون قراری آلیندی.
پ ک ک منسوبی سردار سونمیز، خاکورکده ت س ک قرارگاهی گه قرشی سوءِقصدگه تیارلنهیاتگن پیتده موفقیتلی عملگه آشیریلگن اوپراسیون آرقهلی تاثیرسیز وضعیت گه کیلتیریلدی.
