غزه ده تلفات سانی اوتّیز توقّیز یریم مینگدن آشیب کیتدی

اسرائیل اردوسی تامانیدن 7 اکتوبردن بیری غزه گه قره تیلگن هجوملریده قتل قیلینگنلر سانی 39 مینگ 236 نفرگه ییتدی.

اسرائیل، غزه نواریده گی قتل عاملریگه 304 کوندن بیری دوام ایتماقده.  

غزه ده گی فلسطین ساغلیق نی سقلش وزیرلیگی تامانیدن بیریلگن یازمه بیاناتده, اسرائیل نینگ 304 کوندن بیری دوام ایتیب تورگن هجوملری بیلن علاقه لی معلومات بیریلدی. 

اسرائیل کوچلری نینگ سونگّی 24 ساعتده غزه نواری نینگ تورلی منطقه سید 3 ته قتل عام گه قول اورگن لیگی خوددی شو هجوملر عاقبتیده ینه 40 نفر فلسطینلیک نینگ اولگن لیگی، 717 ته فلسطینلیک نینگ یره لنگن لیگی معلوم قیلیندی.

اسرائیل اردوسی تامانیدن 7 اکتوبردن بیری غزه گه قره تیلگن هجوملریده قتل قیلینگنلر سانی 39 مینگ 623 نفرگه، یره لیلر سانی ایسه 91 مینگ 469 نفر گه ییتدی.

بیاناتده،  حاضر هم ویران بولیب قالگن اویلر و یول چیککه لریده جسدلرنینگ موجود ایکن لیگی لیکن اسرائیل کوچلری نینگ ممانعتی سببلی ساغلیق نی سقلش تیم لری نینگ جنازه لرنی ییغیب آلالمه یاتگن لیگی معلوم قیلیندی.