تورکيه اسرائیل تشقی ایشلر وزیری نی قاره له دی
تورکيه نینگ هنیه اوچون ماتم اعلان قیلیشینی اسرائیل تشقی ایشلر وزیری تنقید ایتگندی
تورکيهدن اسرائیل تشقی ایشلر وزیری اسرائیل کَتزگه تنقید....
تشقی ایشلر وزیرلیگی سوزچیسی اونجو کیچیلی، ایکس اجتماعي ترماغیدهگی حسابیدن کَتزنی قاره لب پُست قویدی.
کیچیلی، پُستیده "اسرائیل تشقی ایشلر وزیری نینگ اجتماعي ترماقدهگی پُستی حقیده: مذاکرهچیلرنی اولدیریب، دیپلوماتلرنی تهدید قیلیب، تینچلیککه ایریشه آلمهیسیز،" دیگن افادهلرگه اورین بیردی.
شونینگدیک، دیپلوماتیک منبعلردن آلینگن معلوماتلرگه کوره، تورکيه، اسرائیل رسميلری نینگ بیاناتلریگه نسبتاً تنقیدینی اسرائیل نینگ تورکيهدهگی دیپلوماتیک وکیللریگه هم ییتکزگن.
کَتز، ایکس اجتماعي ترماغیدهگی حسابیدن، تورکيه نینگ ایران نینگ پایتختی تهرانده اویوشتیریلگن سوئ قصدنینگ آرتیدن شهید بولگن حماس نینگ سیاسی دفتری رهبری اسماعیل هنیه اوچون بیر کونلیک ماتم اعلان قیلیشی نینگ آرتیدن، تورکيه نینگ تل-عفیف دهگی ایلچیخانهسیده یریم توسگه توشیریلگن تورکيه بیراغی حقیده، دیپلوماتلرنی نشانگه آلووچی پُست نشر قیلگن ایدی.
