یهودی ناقللر مسجدالاقصی گه باسیب کیردی

اسرائیل کوچلری حمایه سیده گی اونلب افراطی یهودی ناقللر, اشغال آستیده گی شرقی بیت المقدسده اورین آلگن مسجدالاقصی گه باسیب کیردی.

بیت المقدس اسلامی وقف لر اداره سی تامانیدن بیریلگن یازمه بیاناتده, 252 نفر یهودی ناقل نینگ ایرته لب مسجدالاقصی نینگ صحنی گه باسیب کیرگن لیکلری بیلدیریلدی. 

شاهدلردن آلینگن معلوماتگه کوره, افراطی یهودیلر, اسرائیل پولیسی حمایه سیده المغاربه ایشیگی دن حرم شریف گه کیردی. 

اسرائیل پولیسی عینی دمده یهودی ناقللر نینگ کیرگن پیتده 50 یاشدن کیچیک فلسطین لیک لرنینگ نماز اوقیش اوچون مسجدالاقصی گه کیریش لرینی توسیب قویدی. 

یهودی ناقللرنینگ بوگون و ایرته نی قمره یدیگن دینی بیره م "شاووعوت" بهانه سی بیلن قیلگن چقیریق سببلی کیینگی ساعتلرده باسقین لرنینگ آرتیب کیتیشی نینگ ممکن ایکن لیگی بیلدیریلماقده. 

مسجدالاقصی, اسرائیل بیلن اردن اورته سیده میلادی 1994- ییل 26- اوکتوبرده امضالنگن تینچلیک معاهده سی گه کوره, اردن وقفلر, اسلامی ایشلر و مقدسات وزیرلیگی گه باغلیق بیت المقدس اسلامی وقف لر اداره سی نینگ حمایه سیده.

لیکن یهودی لر, میلادی 2003- ییلدن بیری اداره نینگ اجازتی بولمسدن اسرائیل نینگ بیر تامانلمه قراری بیلن پولیس حمایه سیده مسجدالاقصی گه کیرماقده. 

یهودی لرنینگ مسجدالاقصی گه کیریش لرینی باسقین اوله راق بهالنتیرگن اسلامی وقفلر اداره سی, مسلمان لرنینگ حاکمیتی نینگ اخلال ایتیلگن لیگینی بیلدیرماقده.