تورکیه - بیرلشگن عرب امیرلیکلری تشقی ایشلر وزیرلری اوزارا سوزلشوو اوتکزدی

تورکیه جمهوریتی تشقی ایشلر وزیری بیلن بیرلشگن عرب امیرلیکلری تشقی ایشلر و خلق ارا همکارلیک وزیری شیخ عبدالله بن زاید آل نهیان ایککی اولکه نینگ دیپلوماتیک مناسبتلری نینگ تاسیس ایتیلیشی نینگ 50 - ییل لیگینی تیلگه آلدی.

تورکیه جمهوریتی تشقی ایشلر وزیرلیگی تامانیدن بیریلگن بیاناتده بیلیدیریلیشیچه چاووش اوغلی بیلن بیرلشگن عرب امیرلیکلری تشقی ایشلر و خلق ارا همکارلیک وزیری آل نهیان تیلفون آرقه لی سوزلشوو اوتکزگن.

اوشبو سوزلشووده ایککی اولکه نینگ دیپلوماتیک مناسبتلری نینگ تاسیس ایتیلیشی نینگ 50 ییل لیگی بیلن بیرقطارده سیاسی و اقتصادی مناسبتلرنینگ تیلگه آلینگن لیگی بیلدیریلدی.

تورکیه تشقی ایشلر وزیری چاووش اوغلی بیرلشگن عرب امیرلیکلری نینگ 6 فبروریده تورکیه ده یوزبیرگن ییر سیلکینیشلری نینگ آرتیدن کورستگن بیردملیگی و بیرگن همکارلیگی طفیلی منتدارچیلیک بیلدیرگن لیگی معلوم قیلیندی.

شونده ی بولیب تورکیه تشقی ایشلر وزیری چاووش اوغلی نینگ ماداگاسکارده تشقی ایشلر وزیری ایتیب تعیینلنگن Yvette Sylla  گه قونغراق قیلیب ینگی وظیفه سی بیلن تبریکه گن لیگی قید ایتیلدی.