اسرائیل غزه نواری نینگ جنوبیده گی بیر منطقه نی بمباردمان قیلدی

اوشبو مطلب نی محلی منبع لر بیلدیردی

1956815
اسرائیل غزه نواری نینگ جنوبیده گی بیر منطقه نی بمباردمان قیلدی

اسرائیل اردوسی محاصره آستیده گی غزه نواری نینگ جنوبیده بیر نظامی کوزه تیش برجی نی توپ بیلن اوردی. 

محلی منبع لر دن آلینگن معلومات گه کوره, اسرائیل واسطه لری, غزه نینگ جنوبی ده گی خان یونس شهری نینگ شرقی قسمیده فلسطینلیک لر گه عاید جای لر گه کیردی. 

اسرائیل کوچ لری, غزه ده گی ایچکی ایشلر وزیرلیگی گه باغلیق ساحه کوچلری نینگ کنترولی ده گی نظامی کوزه تیش برجی نی توپ بیلن اوردی. 

اسرائیل اردوسی تامانیدن بیریلگن بیاناتده, "غزه چیگره سیده گی خوفسیزلیک منطقه سیده نظامی فعالیت یوریتیاتگن اسرائیل کوچلری نینگ یقینیده پارتلاوچی ماده نینگ پارتلب کیتگن لیگی" بیلدیریلدی. 

بیاناتده, جانی خساره گه سبب بولمه گن حادثه آرتیدن اردو تانک لری نینگ حماس گه عاید نقطه نی بمباردمان قیلگن لیگی ایسله تیلدی.

فلسطین تامانیدن ایسه اوشبو موضوع بیلن علاقه لی هیچ قنده ی بیر بیانات بیریلمه گن.   



علاقه لی ینگی لیکلر