اسرائیل حربی اوچاقلری غزه ده بعضی بیر منطقه لرگه هجوم اویوشتیردی

اسرائیل حربی اوچاقلری محاصره آستیده گی غزه نواریده جایلشگن بعضی بیر جایلرنی راکت آرقه لی نشان آلیب اوردی.

فلسطین خبر آژانسی وفا خبر بیریشیچه اسرائیل حربی اوچاقلری محاصره آستیده گی غزه نواریده جایلشگن بعضی بیر جایلرنی راکت آرقه لی نشان آلیب اورگن. هجوم نینگ آرتیدن اوریلگن جایلرده یانغین یوزبیرگن. یقینلرده گی تورر جایلرگه هم زیان ییتگن.

شهرنینگ جنوب – غرب تامانیده گی شیخ اجلین منطقه سیگه هم هجوم اویوشتیریلگن.

اسرائیل حربی اوچاقلری عین دمده غزه نینگ اورته و شمال منطقه لریده زراعت ییرلر بیلن بیر قطارده بیت الاهیا قصبه سی نینگ شمالی گه هجوم اویوشتیرگن.

بیراق هجوملرنینگ آرتیدن تلفات حقیده معلومات بیریلمه دی.

تیناون کونی کیچقرون اسرائیل اردوسی سوزچیلیگی غزه دن راکت اوریلگن لیگینی شونده ی بولیب اسرائیل هوا مدافعه سیستمی تامانیدن یوق قیلیب تشلنگن لیگینی ادعا ایتگندی.

افراطی راستگرا ملی خوفسیزلیک وزیری اتمار بن گویر غزه دن اوریلگن راکت گه جواب بیریش شکلینی بهالندیریش اوچون کابینه دن عاجل جلسه طلب ایتگن لیگینی بیلدیرگندی.