اسرائیل عسکر لری فلسطین لیک بیر باله نی اولدیردی

اسرائیل عسکر لری, اشغال آستیده گی غربی نوار نینگ نابلس شهریده, 16 یاشلی فلسطین لیک بیر باله نی اولدیردی. 

فلسطین ساغلیق نی سقلش وزیرلیگی تامانیدن بیریلگن بیاناتده, اسرائیل عسکر لری نینگ نابلس گه کیرگن لیک لری بیلدیریلرایکن, اوشبو عسکر لرنینگ اوق اوزیشی عاقبتیده قلبی دن یره لنگن فلسطین یاش باله نینگ حیاتی نی یوقاتگن لیگی معلوم قیلیندی. 

بیاناتده, نابلس ده اسرائیل عسکر لری نینگ باسیب کیریشی گه مانع بولیش گه حرکت قیلگن فلسطین لیک لر بیلن یوز بیرگن توقنه شووده 5 نفر فلسطین لیک نینگ یره لنگن لیگی بیلدیریلدی. 

اوشبو یره لنگن کیشی لر دن بیر نفری نینگ ساغلیق وضعیتی نینگ یمان ایکن لیگی معلوم قیلیندی. 

فلسطین قیزیل یریم آی جمعیتی تامانیدن بیریلگن بیاناتده ایسه, اشغالچی کوچ لر نینگ ساحه ده گی یره لنگن لر گه طبی مداخله قیلماقچی بولگن ساغلیق پرسونلی گه قره ته اوق اوزگن لیگی و اوشبو اوق لر دن بیری نینگ بیر موتر گه اصابت ایتگن لیگی بیلدیریلدی.